Færsluflokkur: Lífstíll
14.3.2009 | 12:08
Á hverfanda hveli - Félags leikskálda og handritshöfunda
Umræðukvöldið 17. mars er á vegum Félags leikskálda og handritshöfunda, en Leikstjórafélagið reið á vaðið og hélt fyrsta fundinn 10. mars sl. við góðar undirtektir í Nýlistasafninu. Þetta er sumsé kvöldið okkar, kæru skáld, og því væri gaman að við fjölmenntum, sýndum okkur og sæjum hvert annað. Sviðslistamenn úr öðrum geirum eru ekki síður hvattir til að mæta, því hér er um að ræða sameiginlega hagsmuni okkar allra.
Yfirskriftin er sem áður segir Á hverfanda hveli: Ábyrgð listamannsins, en undirtitillinn að þessu sinni er NÝJA ÍSLAND.
Þátttakendur í dagskrá kvölsins eru eftirfarandi skáld:
Andri Snær Magnason
Bergljót Arnalds
Elísabet Jökulsdóttir
Hallgrímur Helgason
Hugleikur Dagsson
Kristín Ómarsdóttir
Kristlaug María Sigurðardóttir (Kikka)
Vala Þórsdóttir
Auk Þórdísar Elvu Þorvaldsdóttur Bachmann, sem er umsjónarmaður fundarins.
Kvöldinu lýkur með opnum umræðum allir eru hvattir til að leggja orð í belg. Fundunum er ætlað að skoða hlutverk sviðslistamannsins í umróti dagsins í dag og skapa umræður um samtímann - sem og framtíðina.
Lífstíll | Slóð | Facebook | Athugasemdir (0)
9.3.2009 | 16:09
Á HVERFANDA HVELI - ábyrgð listamannsins
Fulltrúum fjögurra fagfélaga innan sviðslista hefur verið falið að sjá um eitt kvöld hvert og fimmta kvöldið verður tileinkað hlutverki listamanna í endurreisn Íslands. · Fyrsta umræðukvöldið verður næstkomandi þriðjudag, 10.mars, kl.20.00 á Nýlistasafninu. · Umsjónarmaður er Kristín Eysteinsdóttir leikstjóri. · Frummælendur kvöldsins eru Friðgeir Einarsson leikhúslistamður, Ragnheiður Skúladóttir framkvæmdastjóri LOKAL alþjóða leiklistarhátíðarinnar í Reykjavík og Steinunn Knútsdóttir leikhúslistakona. · Þau ræða hvernig starfsumhverfi sviðslistamanna hefur breyst síðastliðna mánuði og skoða hvort og hvernig leikhúsið eigi að svara því ástandi sem nú ríkir í samfélaginu. · Að loknum fyrirlestrum verða umræður .
· Einnig verða frumfluttir stuttir leiklestrar eftir Kristínu Ómarsdóttur leikskáld. Ókeypis aðgangur.
Upplýsingar gefa:
Kristín Eysteinsdóttir leikstjóri, sími: 892 2122Viðar Eggertsson, forseti Leiklistarsambands Íslands, sími: 898 8661 LEIKLISTARSAMBAND ÍSLANDS eru heildarsamtök alls leiklistarfólks á Íslandi, leikhúsa, sviðslistahópa og fagfélaga. LSÍ er fulltrúi Íslands í Norræna leiklistarsambandinu og Alþjóða leiklistarstofnuninni ITI.
Lífstíll | Breytt s.d. kl. 16:11 | Slóð | Facebook | Athugasemdir (0)
4.2.2009 | 14:58
Samstarfsverkefni í Borgarleikhúsinu
Lífstíll | Slóð | Facebook | Athugasemdir (0)
2.2.2009 | 01:00
Úthlutun Reykjavíkurborgar til sviðslista 2009
Á fundi menningar- og ferðamálaráðs Reykjavíkur-borgar þann 22. janúar s.l. var samþykkt að styrkja spennandi og metnaðarfull verkefni á sviði menningar og lista. Jafnframt voru samþykktir nýir samstarfssamningar vegna ársins 2009. Þegar eru í gildi rúmlega 40 samstarfssamningar er gerðir voru á fyrri árum og nemur sá stuðningur rúmum 43 m.kr. ár árinu. Til úthlutunar voru nú kr. 40.8 mkr.
Styrkir og starfssamningar samþykktir á fundi menningar- og ferðamálaráðs Reykjavíkurborgar þann 22.janúar 2009. Leiklist:
Ástrós Gunnarsdóttir, 450.000 /Ég og vinir mínir, 450.000/ Guðmundur Ólafsson,180.000/ Lab Loki, 900.000/ Strengjaleikhúsið, 900.000/ Sögusvuntan, 270.000/Tónleikur c/o Lára Sveinsdóttir, 720.000/ Þóra Karítas Árnadóttir, 360.000
Samstarfssamningar fyrir árið 2009
Draumasmiðjan - Döff leikhúsið, 450.000/ Evrópa kvikmyndir - Vesturport, 2.900.000/ Lókal, leiklistarhátíð ehf., 1.170.000
Samtals: 8.750.000
Lífstíll | Breytt s.d. kl. 01:05 | Slóð | Facebook | Athugasemdir (0)
5.1.2009 | 17:21
Gleðilegt nýtt ár
SL ókar ykkur öllum gleðilegs nýs árs. Sýning mánaðarins í janúar er Steinar í djúpinu sem sýnd er í Hafnafjarðarleikhúsinu. Hægt er að fá 1000 kr. afslátt af miðaverðinu með því að nota klippikortið. Ákveðið var að bæta við tveimur auka sýningum á verkinu um miðjan mánuðinn. Nánari upplýsingar á www.hhh.is
Lífstíll | Slóð | Facebook | Athugasemdir (0)
12.12.2008 | 11:29
Opinn fundur um Reykjavík Dance Festival!
Fundurinn verður haldinn mánudaginn 29. desember 2008 kl: 15 18 að Lindargötu 6.
Reykjavík Dance Festival, einnig nefnd Nútímadanshátíð í Reykjavík, spratt upp úr grasrótinni árið 2002. Hátíðin reyndist vera fjölær planta, en blómstur hvers árs hefur verið ólíkt hinum fyrri og aldrei að vita hvað kemur næst. Hátíðin varð til að frumkvæði danshöfunda sem leituðu nýrra leiða til að koma verkum sínum á framfæri. Á árunum 2002 2007 voru fimm hátíðir haldnar og því komin nokkur reynsla á þetta form. Undanfarið hefur gengið erfiðlega að fjármagna hátíðina. Engin hátíð var haldin 2008 og framtíð hennar er nú í algerri óvissu. Því langar okkur að fá sem flesta með í umræðuna um Reykjavík Dance Festival í þeirri von að með því komi fram frjóar hugmyndir um framtíðarmöguleika hátíðarinnar. Eða á kannski bara að leggja hana formlega niður?Dagskrá fundarins verður sem hér segir:
- Kynning á þróun og stöðu Reykjavík Dance Festival
- Umræður og spurningar
- Hugmyndavinna í hópum
- Næstu skref
Lífstíll | Slóð | Facebook | Athugasemdir (0)
29.11.2008 | 18:31
pallborði um samstarf sviðslistastofnanna og leikhópa
Sjálfstæðu leikhúsin standa fyrir pallborði um samstarf sviðslistastofnanna og leikhópaí Iðnó föstudaginn 5. desember kl. 12-13:30 Á pallborði verða:Karítas H. Gunnarsdóttir - skrifstofustjóri menningarmála í Menntamálaráðuneytinu /Inga Jóna Þórðardóttir- formaður LR /Aino Freyja Järvelä - formaður SL /Viðar Eggertsson leikstjóri og forseti leiklistarsambandssins/ Arndís Hrönn Egilsdóttir forsvarsmaður Sokkabandsins/Gunnar I. Gunnteinsson MA í menningar- og menntastjórnun. Fundastjóri: Felix Bergsson Aðagangur ókeypis og léttur hádegisverður í boði Skráning á leikhopar@leikhopar.is www.leikhopar.is
Lífstíll | Breytt s.d. kl. 18:33 | Slóð | Facebook | Athugasemdir (0)
19.11.2008 | 09:47
Sýningar mánaðarins í Nóvember
Lífstíll | Slóð | Facebook | Athugasemdir (0)
28.10.2008 | 12:33
Jólasýningar á vegum aðildarfélaga Sjálfstæðu leikhúsanna
Í ár verður boðið upp á að minnsta kosti 10 jólasýningar á vegum sjálfstæðra atvinnuleikhópa. Margar hverjar eru orðin árlegur viðburður og nýjar bætast við. Bæði eru á ferðinni farandsýningar en jafnframt verða jólasýningar í Hafnafjarðarleikhúsinu og Borgarleikhúsinu á vegum leikhópa.
LukkuleikhúsiðLísa og jólasveinninnEftir: Bjarna IngvarssonLísa er 8 ára stelpa sem býr með mömmu sinni og pabba á ótilgreindum stað á Íslandi. Það er komið fram í desember og jólaspenningurinn farinn að gera vart við sig. Kvöld eitt þegar Lísa er að fara að hátta finnur hún jólasvein inni í herberginu sínu.Sýningin er ætluð börnum frá 2 til 10 ára.Sýningartími: 40 mínúturUndirbúningstími: 45 mínúturSýningapantanir og nánari upplýsingar eru veittar í síma 5881800 eða 8977752Netfang: bjarni@lukkuleikhusid.is eða bjarni.ing@isl.is
Leikhópurinn á senunni í samstarfi við Hafnarfjarðarleikhúsið Ævintýrið um Augastein Avintýrið um Augastein kemur aftur í heimsókn í Hafnarfjarðarleikhúsið á aðvenntunni eins og í fyrra. Steinn gamli í minjagripa búðinni segir okkur uppáhalds jóla ævintýrið sitt, söguna af litla drengnum sem lenti fyrir tilviljun í höndum jólasveinanna rétt fyrir jól. Á þeim tíma voru jólasveinarnir engir auðfúsugestir, enda þjófóttir og stríðnir. Nánari upplýsingar: felix@senan.is / 861 9535
Möguleikhúsið HVAR ER STEKKJARSTAUR? Það er kominn 12. desember, en jólasveinninn Stekkjarstaur kemur ekki til byggða. Þegar Halla fer að athuga hvernig á því standi kemst hún að því að jólasveinunum er orðið svo illa við allan isinn og þysinn í mannheimum að þeir hafa ákveðið að hætta að fara til byggða um jólin. Tekst Höllu að fá þá til að skipta um skoðun? Fyrir áhorfendur á aldrinum: 2ja - 9 ára Sýningartími: 45 mínútur
AÐVENTA Þegar hátíð fer í hönd, búa menn sig undir hana, hver á sína vísu. Þannig hefst saga Gunnars Gunnarssonar, Aðventa. Hér er sagt frá svaðilförum vinnumannsins Benedikts sem fer til fjalla í vetraríki aðventunnar að leita þess fjár sem eftir varð er smalað var um haustið. Það er köllun hans að koma þessum villuráfandi sauðum í öruggt skjól fyrir hátíðirnar Þetta er klassísk saga um náungakærleika og fórnfýsi.Fyrir áhorfendur frá 13 ára aldriSýningartími 60 mínútur Nánari upplýsingar: s. 562 2669 / 897 1813 - moguleikuhusid@moguleikuhusid.is
Fígúra Pönnukakan hennar Grýlu Brúðuleikrit aðventunnar Enn á ný kemur Bernd Ogrodnik með pönnukökuna rúllandi, inn í líf barnanna á aðventunni, eins og hann hefur gert síðustu ár við miklar vinsældir. Pönnukakan hennar Grýlu er skemmtileg og falleg jólasaga sem er unnin upp úr evrópskri þjóðsögu sem flestir ættu að kannast við.
Sýningartími: 40 mínútur Aldur: 0 8 ára Allar nánari upplýsingar og bókanir í símum 466 1520 og 895 9447 Tölvupóstfang: hildur@figurentheater.is
Kómedíuleikhúsið JÓLASVEINAR GRÝLUSYNIRHér er á ferðinni sprellfjörugur leikur um gömlu íslensku jólasveinanna og ýmsum spurningum reynt að svara um þessa skrítnu kalla. Hvers vegna er Stúfur minnstur jólasveinanna? Af hverju er Stekkjastaur svona hár til hnésins? Var fjórtándi jólasveinninn til? Eru Askasleikir og Bjúgnakrækir tvíburar? Allt þetta og miklu meira fáum við að heyra um í sýningunni um Grýlusynina.Ferðasýning sýnd á höfuðborgarsvæðinu dagana 1. 11. desember 2008.
Sýningartími: 55 mín.
Aldurshópur: 2ja ára og eldri.
Panta sýningu: komedia@komedia.is
Sögusvuntan Jesúbarnið.Brúðusýning byggð á rússnesku jólaævintýri. Blandað saman lifandi hörputónlist og brúðuleik. Sögumaður og brúðuleikari: Hallveig Thorlacius. Hörpuleikari: Marion Herrera.Pantanir: hallveig@xx.is
Kraðak Lápur, Skrápur og jólaskapið Verkið fjallar um tvo Grýlusyni, þá Láp og Skráp. Þeir eru einu tröllabörnin í Grýluhelli sem hafa ekki enn komist í jólaskap. Grýla mamma þeirra rekur þá því af stað úr hellinum og bannar þeim að koma þangað aftur fyrr en þeir eru búnir að finna jólaskapið. Lápur og Skrápur leita um allt og ber leitin þá inní svefnherbergi Sunnu litlu. Hún ákveður að hjálpa þeim bræðrum og saman lenda þau í allskonar ævintýrum. Frumsýning er 22. nóvember og verður sýnt í Borgarleikhúsinu. Nánari upplýsingar: kradak@kradak.is
Stopp leikhópurinn Jólin hennar Jóru.Leikritið segir frá Jóru litlu en hún er tröllastelpa sem býr upp í fjöllum. Einn daginn stelur hún jólakíkinum hans Skrepps en hann er einn besti aðstoðarmaður jólasveinanna. Allt er í pati því án kíkisins góða geta þeir ekki vitað hvort börnin séu þæg og góð til að fá í skóinn. Fer Skreppur því af stað til að hafa upp á kíkinum en það verður ekki auðvelt því Jóra er farinn til mannabyggða, að upplifa þessi jól sem allir eru að tala um. Ferðasýning fyrir 1-9 ára.Sýningartími: 30 mínútur. Nánari upplýsingar og pantanir: eggert@centrum.is
Ein leikhúsið ÓskinÓSKIN fjallar um vináttu lítillar stúlku og snjókalls. Hún heitir Þrúður og vill vera trúður, hann heitir Snjólfur snjókall og þarf að komast upp í fjall því hann er að bráðna. Á leiðinni upp í fjall lenda þau í ýmsum ævintýrum. Á vegi þeirra verða meðal annars úlfurinn ógurlegi, Grýla skítafýla og bangsi bestaskinn sem huggar við kinn. Farandsýning Nánari upplýsingar: sigrunsol@hive.is
Lífstíll | Breytt s.d. kl. 12:37 | Slóð | Facebook | Athugasemdir (0)
24.10.2008 | 11:59
Veturnætur
Lífstíll | Slóð | Facebook | Athugasemdir (0)